::تاقەت شی جە لام واتم ئەی هارە::

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

تاقەت شی جە لام واتم ئەی هارە----بەمەودای ئەڵماس بای پارە پارە
تۆ دەستەی شیرین دەستە کێشتەن----ئاواتت بڕیان ناڵەی چێشتەن
تۆپەنجەی شێرین کەفتەنت وەسەر------چی؟ساڕێش نەبی زامانی خەتەر
بامن بناڵوو ڕوان تا شەوان------------زەدەی ‌هێجرانم ،دەردم بی دەوان
هارەی هەراسان،هەردەی هەردەگێڵ-----کەم دەور دەنە وێت چوون دێوانەی ویڵ
ئانە شێرێنەن دوڵبەر دوڵستان---------- دڵ لێت مەسانۆ بە مەکرو داستان
بە بەین وبەقاش هیچ مەبە خەرە-------جەفاش سەد بارەن، وەفاش یەک زەڕە
جەنی کەس تاسەر هەرگیز یار نێەن------یاری ساحێب شەرت وەفادار نێەن
کاتێ مەزانی هۆر ئێزا بە قەس---------چوون بی بەینەتان جەتۆش کێشا دەس
شی بەماواو وێش تەشریف بەردەوە------تۆش ئاستی وەلای داخ ودەردەوە
کۆتایی سەداو نەعرەتەو دەنگت --------بی قێمەت گنای ،کەساس بی سەنگت
بەدڵەی پر سۆز مەینەت بارەوە--------پێچێای بەدەرد دووری یارەوە
ئەوسا چەنی زام بێ دەوای خەتەر-----مات مەبی بی دەنگ جە (سەیدی)بەتەر

ماموستا صه یدی هه ورامی

Writing at: 1 / 4 / 1391برچسب:شێعر کوردی,صه‌يدی هه‌ورامی,وینه,

Time: By: محمد پیش بینی| |

سه‌نگی هه‌واران

سه‌نگـــی هـــه‌واران ، سـه‌نگی هه‌واران

ســـــه‌نگی سیا ره‌نگ کــــــــۆنه‌ هه‌واران

جای به‌زمی رێندان ، نێشان گــــه‌ی یاران

ته‌ختی خــــاڵ خـــــــــاڵان ، نازک نازداران

جه‌زه‌ڵ مــــــه‌زانوو سفیـــــــد سـه‌نگه‌نی

ئیسه‌ سه‌به‌ب چێش سیـــاره‌نگــــــه‌نی؟

کۆن عـــــــه‌یش و نێشات نه‌و وه‌هارانت ؟

کۆن ئاهـــــووی رێنـــــــدان پۆل نازارانت ؟

سه‌رخار، چوون تۆ کۆی عه‌نبه‌ر پۆشان بێ

دایم ئامـــــه‌شۆ وه‌ لای تۆشــــــــــان بێ

ئیســـــــه‌ جای ئه‌وان چـــــــۆڵه‌ن وێرانی

ئه‌حــــــواڵی ئه‌وان تۆ چێش مــــــه‌زانی؟

سا که‌ ئێـــذ شنه‌فت سه‌نگی سیا ره‌نگ

به ‌ ئاه و نـــــاڵه‌ لێــــــم ئامـــــــا به‌ ده‌نگ:

ئه‌حـــــواڵی ده‌ردم دێوانه‌ی بێ هــــــۆش

مه‌ر نمــــــه‌زانی چی بیم سیـــــــاپۆش ؟

ئه‌وسا من هـــــامڕاز خاڵ قــــــه‌تاران بیم

ته‌کیــــه‌گای رێنـــــــــــدان پۆل نازاران بیم

ره‌نگم سفید بێ چــــــــوون ره‌نگی کافوور

شــــــه‌وقی جه‌مینم دیار بێ جــــــه‌ دوور

ناگــــــا په‌ی ته‌قدیر چـــــه‌رخی پۆر سته‌م

ئێمه‌ و نازاران جیا کــــــه‌رد جه‌ هــــــــــه‌م

ئیسه‌ نه‌ پام هـــــــه‌ن بلووشان وه‌ شـــۆن

نه‌ وێم مـــــــه‌زانوو ماواشان چکــــــــــــۆن

فه‌ڵـــــــه‌ک ئه‌ر زانه‌یش چێش ئامان پێمان

دووری نازدارا نه‌رمـــــــانێ پێمـــــــــــــــان

کـــــــه‌رداش دۆچـــــــــــاری ده‌رد و جیایی

نیاش به‌ دڵــــــدا داخـــــــــــــــــی سیایی

ئی داخ هــــــه‌ر په‌ی من تا رۆی ره‌ستاخێز

چوون هێجـــــــرانی یار گێـــــــــرته‌نم به‌ڕێز

ئایری هێجـــــــران که‌وته‌ن نه‌ جـــــــــه‌رگم

سیاوش کـــــــه‌رده‌ن سه‌رتاپای به‌رگــــــم

چی کـــــــۆره‌ی ئایر من نه‌جـــــــــــــۆشا‌نا

جــه‌ سینـــــه‌ی « صه‌يدی » سیاو پۆشانا

Writing at: 20 / 12 / 1390برچسب:سه‌نگی هه‌واران,صه‌يدی ,شێعرکوردی,

Time: By: محمد پیش بینی| |

صفحه قبل 1 صفحه بعد